Dil ka ek sawaal hai khud se...

Log kehte hain waqt ke saath sab theek ho jaata hai...

Ho jaata hai kya?

 saal guzar gaye...

Jaise sadiyaan beeth gayi ho.

Zakhm abhi bhi taaza hai...

Wahi dard jo kal tha, aaj bhi wahi hai.

Waqt toh guzar gaya,

Par main ab tak wahi hoon —

Toota hua... chhupa hua...

Lekin chal raha hoon.

Toh phir... sab theek ho jaata hai kya?

"Sab theek ho jaata hai waqt ke saath"

Kehte hain sab...

Par kaise samjhaun unhe...

Ke waqt sirf dhak deta hai

Toote hue tukdon ko...

Meri awaaz... meri dhadkan...

Kano tak pahuchti hi nahi...

Har saal...

Ek naya imtihaan le aata hai.

Kabhi kisi apne ka janaaza...

Kabhi khud ka, khud se chhoot jaana...

Ruk toh sakta hoon main...

Par ruka toh koi poochega nahi,

Bas keh denge... "Majboor hai."

Har saal kuch na kuch cheen kar le jaata hai...

Kisi saal kisi apne ka chehra...

Kisi saal neend...

Kabhi dil ka sukoon...

Kabhi bharosa...

Kabhi khud par yakeen...

Aur log kehte hain —

"Zindagi hai, hota hai..."

Par kabhi kisi ne poocha?

Ke yeh jo dhadak raha hoon...

Zinda hoon main?

Kabhi muskurana padta hai...

Kabhi sabke beech hote hue bhi,

Khamoshi aur tanhaai chhupi hoti hai...

Zindagi ne...

Thoda thoda karke sab kuch cheen liya.

Neend... sukoon... khwahishein... armaan...

Jazbaat... bharosa... mohabbat...

Phir bhi log kehte hain —

"Tu toh ab mazboot ban gaya hai..."

Mazboot...?

Ya bas aadat...?

Aadat har din zakhm ke saath uthne ki...

22 saal nahi...

Jaise ek sadi guzar gayi ho.

Aur har lamha...

Kuch na kuch todta gaya...

Phir bhi...

Chal raha hoon main.